ట్రెండింగ్
చెన్నకేశవులు భార్య, బిడ్డకు సాయం చేయండి: వర్మ
Telangana Telugu | Suryaa Desk | Published : Sat, Mar 07, 2020, 01:34 PM
వెటర్నరీ డాక్టర్‌ దిశ కేసు నిందితులలో ఒకడైన చెన్నకేశవులు భార్య రేణుక గత రాత్రి పండంటి బిడ్డకి జన్మనిచ్చిన నేపథ్యంలో.. తోడు లేని వీరిని ఆదుకోవాలంటూ.. రామ్‌గోపాల్‌ వర్మ తన ట్విట్టర్‌ ద్వారా పిలుపునిచ్చారు. ''చెన్నకేశవులు భార్య రేణుక పాపకు జన్మనిచ్చింది. ప్రస్తుతం తల్లీ, బిడ్డా క్షేమంగా ఉన్నారు. రేపిస్టుల నీడ వారి భవిష్యత్తుపై పడకుండా ఉండాలంటే.. దయచేసి ఎవరికి తోచిన సాయం వారు చేయండి'' అని ఆర్జీవీ ట్వీట్‌ చేశారు. యాక్షన్‌ ఎయిడ్‌ ఫర్‌ సోసైటల్‌ అడ్వాన్స్‌మెంట్‌ (ఏఏఎస్‌ఏ) అకౌంట్‌ నెంబర్‌తో పాటు ఐఎఫ్‌ఎస్‌సీ కోడ్‌ కూడా తన ట్వీట్‌లో చేర్చారు వర్మ. ప్రస్తుతం దిశ ఘటనపై సినిమా చేసేందుకు ఆర్జీవి సన్నాహాలు చేసుకుంటున్నారు.
|
|
