ఖానాపూర్‌లో ఉద్రిక్త‌త.. పోలీసులు లాఠీ ఛార్జ్‌
Telangana Telugu | Suryaa Desk | Published : Thu, Nov 30, 2023, 10:59 AM
రంగారెడ్డి జిల్లా ఇబ్రహీంపట్నంలో ఉద్రిక్త‌త నెల‌కొంది. ఖానాపూర్‌ మున్సిపాలిటీ దగ్గర కాంగ్రెస్, బీఆర్ఎస్ కార్యకర్తల మధ్య ఘర్షణ జ‌రిగింది. విజమేరి పోలింగ్ కేంద్రం వద్ద వాగ్వాదంతో మొదలైన గొడవ ఘర్షణకు దారితీసింది. వెంటనే స్పందించిన పోలీసులు లాఠీ ఛార్జ్‌ చేసి ఇరు వర్గాలను చెదరగొట్టారు. అటు జ‌న‌గామ, భోద‌న్‌లోనూ ఘర్షణ వాత‌వ‌ర‌ణం నెల‌కొంది.
అయితే వచ్చే ఐదేళ్లకు తెలంగాణ ఓటర్లు తమ ప్రతినిధులను ఎన్నుకోవాల్సిన సమయం ఆసన్నమైంది. అసెంబ్లీ ఎన్నికల పోలింగ్ ఉదయం 7 గంటలకు ప్రారంభమైంది. రాష్ట్రంలోని మొత్తం 119 అసెంబ్లీ నియోజకవర్గాల్లో బీఆర్ఎస్ పోటీ చేస్తోంది. కాంగ్రెస్ (118) కూటమిలో సీపీఐ 111 స్థానాల్లో, బీజేపీ 111 స్థానాల్లో, జనసేన 8 స్థానాల్లో, సీపీఎం 19 స్థానాల్లో, బీఎస్పీ 107 స్థానాల్లో పోటీ చేస్తున్నాయి.
అసెంబ్లీ ఎన్నికలు పోలింగ్ మొదలైంది. తమ ఓటు హక్కును వినియోగించుకునేందుకు ఉదయం నుంచే ఓటర్లు పోలింగ్ కేంద్రాలకు క్యూకడుతున్నారు. తెలంగాణ అసెంబ్లీ ఎన్నికల పోలింగ్ ప్రక్రియ ప్రశాంతంగా కొనసాగుతోంది. ఉదయం 9 గంటల వరకు 7.78శాతం పోలింగ్ నమోదైనట్లు అధికారులు వెల్లడించారు.
|
|
